Xueves, 12 de Payares de 2009 19:04
La campaña insta a la Comisión Europea a que detenga darréu la concesión de llicencies de pesca n'agües del Sah.ara Occidental, y pide que nun se faigan más operaciones pesqueres pola XE nos territorios ocupaos del Sah.ara Occidental hasta que s'atope una solución pacífica al conflictu.
“La tresferencia de dineru de los impuestos de los ciudadanos de la XE al gobiernu de Marruecos pa que la industria pesquera de la XE puea acceder a les agües costeres del territoriu que ta ocupáu illegalmente, ye inmoral por principiu. Ye contraproducente dafechu respecto a los esfuercios de la ONU pa descolonizar el Sah.ara Occidental y contribuye claramente a prollongar el sufrimientu de la población saharaui”, afirmó Sara Eyckmans de Western Sahara Resource Watch.
En 2006, cuando s'aprobó inicialmente l'alcuerdu pesqueru de la UE con Marruecos, Suecia votó en contra, alegando que la vaguedá acerca del territoriu afectáu pol alcuerdo podría permitir a la UE pescar nel Sah.ara Occidental, lo que sedría illegal. Asina foi y el presente alcuerdu tampoco nun ye una esceición y l'añu pasáu la Comisión Europea almitió que, baxo l'acuerdo pesqueru de la UE con Marruecos, tán pescando n'agües del territoriu.
Los particulares y organizaciones que quieran firmar una protesta énte la Comisión Europea, puen facelo en www.fishelsewhere.com
Esta Campaña entamóla Western Sahara Resource Watch, una organización internacional representada en 35 estaos, que fain campañes escontra la esplotación de los recursos naturales del Sah.ara Occidental ocupáu (www.wsrw.org).
No hay comentarios:
Publicar un comentario